Թէքսասի հարաւային կողմը գտնուող Սազըլալնտ Սփրինկ քաղաքի եկեղեցիներէն մէկուն մէջ անյայտ զինեալ մը եկեղեցի մտած եւ կրակ բացած է, որու հետեւանքով արձանագրուած է 20-է աւելի զոհեր եւ մեծ թիւով վիրաւորներ:
Այս մասին հաղորդող ամերիկեան աղբիւրները նշած են, որ ոստիկանութիւնը յաջողած է սպանել զինեալ ահաբեկիչին: Նշուած է նաեւ, որ գործողութեան ժամանակ եկեղեցիէն ներս եղած է մօտ 50 մարդ:
Ամերիկեան CNN-ի վերջին տուեալներու համաձայն, զոհերու թիւը հասած է 27-ի, իսկ վիրաւորները 24-ն են:
Ինչպէս կը նշէ SkyNews-ը, դէպքի վայր հասած երկու ուղղաթիռներ վիրաւորները տեղափոխած են հիւանդանոց: Վիրաւորերու շարքին կայ նաեւ 2 տարեկան երեխայ:
