13.09c
Երեվան
շբթ, մյս 09
Սուտանը կրնայ լքել 815 հազար մարդ, որմէ 580 հազարը՝ սուտանցիներ, ինչպէս նաեւ փախստականներ։ Այս մասին ըսած է ՄԱԿ-ի փախստականներու հարցերով գործակալութեան ղեկավարի տեղակալ Ռաուֆ Մազուն՝ յղում ընելով գործակալութեան ուսումնասիրութիւններուն։ Այս մասին գրած է Reuters-ը։
Ըստ Մազուի՝ մօտ 73 հազար մարդ արդէն լքած է երկիրը։
Մինչդեռ ՄԱԿ-ի մէկ այլ պաշտօնեայ՝ Ապտու Տիենկը, յայտարարած է Սուտանի մէջ լիակատար աղէտի մասին: «Աւելի քան երկու շաբաթ անցած է Սուտանի քայքայիչ մարտերէն, հակամարտութիւնը Սուտանի մէջ մարդասիրական ճգնաժամը կը վերածէ լիակատար աղէտի», -ըսած է ՄԱԿ-ի մարդասիրական հարցերով երկրի համակարգողը տեսաճեպազրոյցին: «Ճգնաժամի տարածաշրջանային կողմնակի ազդեցութիւնը մեծ անհանգստութիւն կ'առաջացնէ», - ըսած է Տիենկ:
Սուտանի առողջապահութեան նախարարութեան տուեալներով՝ բախումներու հետեւանքով զոհուած է առնուազն 528 մարդ, վիրաւորուած է՝ 4599-ը։ ՄԱԿ-ը յայտնած է զոհերու նմանատիպ թիւ, սակայն կը կարծէ, որ իրական կորուստները շատ աւելին են։
Հակամարտութիւնը իշխանութեան համար պայքարին՝ կանոնաւոր բանակի եւ արագ արձագանգման պարագլուխներու միջեւ սրած է ապրիլ 15-ին։ 2021 թուականին Սուտանի մէջ տեղի ունեցած յեղաշրջումէն ետք անոնք կիսեցին կառավարութեան վերահսկողութիւնը եւ այժմ կը հակադրուին քաղաքացիական կառավարման անցնելու հարցով:
