11.09c
Երեվան
երկ, հկտ 19
Թրքական դատարանը ուրբաթ օր ազատ արձակած է իր մօտ գտնուող սուրիացի օդաչու Մուհամմատ Սաֆուանը: Այս մասին յայտարարած է սուրիական պետական հեռուստակայանը, նշելով, որ օդաչուն վերադարձած է Սուրիա:
Յիշենք, որ Սաֆուան Թուրքիոյ սահմանի անվտանգութիւնը խաթարելու եւ լրտեսութիւն ընելու մեղադրանքով գերեվարուած էր, երբ վերջինիս վարած կործանիչը վար առնուաղ էր թրքական Հաթայ շրջանին մէջ:
Թրքական աղբիւրներ երէկ յայտարարած են, որ Հաթայի քրէական դատարանը ազատ արձակած է օդաչուն, սակայն անոր գործով դատավարութիւնը տակաւին կը շարունակուի:
Սաֆուանի փաստաբան՝ Անիլ Ճաուահէր Ճանը յայտնած է, որ «տակաւին պարզ չէ, եթէ սուրիացի օդաչուն պիտի ստիպուի վերադառնալ Թուրքիա` իր դատավարութեան համար, որ նախատեսուած է 25 հոկտեմբերին»: Ան աւելցուցած է՝ «Յոյս ունինք, որ Սաֆուանի ազատ արձակումը կ'օգնէ Սուրիոյ եւ Թուրքիոյ միջեւ բարեկամութեան կամուրջներու վերականգնման»:
