15.65c
Երեվան
կրկ, ապր 19
Արդեն մեկ տարուց ավելի Թուրքիայի «Այդըն Յենիփազար ակ ռեժիմի» բանտում գտնվող հայազգի Սևան Նշանյանը առաջիկա խորհրդարանական ընտրություններում «Լիբերալ դեմոկրատական կուսակցության» (LDP) կողմից կառաջադրվի որպես պատգամավորի թեկնածու: Այս մասին, ըստ «Ակօս»-ի, հայտնել է կուսակցության գլխավոր քարտուղարի օգնական Թարըք Բեյհանը:
Բեյհանը նշել է, որ Սևան Նշանյանը Թուրքիայում մեծ ներդրում ունի լեզվաբանության, մշակույթի, ճարտարապետության բնագավառներում, սակայն ավելի հատկանշական է նրա դերը խոսքի ազատության բնագավառում:
«Այս պահին բանտում գտնվելու պատճառն էլ հենց խոսքի ազատությունն է: Լիբերալիզմի 2 կարևոր չափանիշներն են խոսքի ազատությունն ու հանդուրժողականությունը: Այդ պատճառով մենք կարծում ենք , որ Նշանյանը և մեր կուսակցության, և երկրի համար շատ կարևոր գործիչ է»,-ասել է Բեյհանը:
Հիշեցնենք, որ Սևան Նշանյանը Թուրքիայում գտնվող «Նշանյան տներ» անվամբ հայտնի հյուրանոցային համալիրի՝ բնապահպանական գոտում կառուցելու, ինչպես նաև հին շինությունների ապօրինի վերակառուցման մեղադրանքով դատապարտվել էր ավելի քան 11 տարվա ազատազրկման և 2014թ հոկտեմբեր ամսից գտնվում է բանտում:
Սակայն շատ մտավորականների համոզմամբ նրանք բանտարկելու հիմնական պատճառը իր հեղինակած «Սխալ հանրապետություն» գիրքն է, որում Նշանյանը համարձակվում է քննադատել Թուրքիայի պաշտոնական պատմությունը:
աղբյուր` ermenihaber
