8.09c
Երեվան
երկ, հկտ 19
Թուրքիոյ դատախազութիւնը պահանջած է Amnesty international կազմակերպութեան 11 աքթիւիսթներ բանտարկել: Այս մասին կը հաղորդէ լիբանանեան «Ալ-Տիար»ը, նշելով, որ դատարանը 11 գործիչներուն հանդէպ ահաբեկչական խմբաւորման անդամակցելու մեղադրանք ներկայացուցած է:
Ըստ թրքական DNA գործակալութեան, աքթիւիսթներէն 8-ն արդէն կալանաւորուած են՝ երեք ամիսներէ ի վեր:
Աղբիւրը կը նշէ, որ Թուրքիոյ անվտանգութեան մարմիններ աքթիւիսթները կալանաւորած էին 6 յուլիսին, երբ անոնք Պոլսոյ հարաւը գտնուող «Պիուք Ատա»ի մէջ կը մասնակցէին թուային անվտանգութեան եւ տեղեկատուութեան կառավարման աշխատանոցին: Կալանւորեալներու շարքին էր կազմակերպութեան Թուրքիոյ գրասնեակի տնօրէնուհի՝ Էյտիլ Իյսար եւ գերմանիոյ քաղաքացի Փիթըր Շտոիտթնըր:
«Կալանքի երկարաձգումը շատ վատ փաստ է, թէ ինչպիսի վերաբերմունքի կ'արժանանան Թուրքիոյ մէջ մարդու իրաւունքներու պաշտպանութեան համար պայքարողները», -ըսած է կազմակերպութեան Եւրոպայի գրասենեակի տնօրէն Ճոն Տալհիզերը եւ պահանջած արագօրէն ազատ արձակել գործիչները:
Տեղեկութիւններ կան, որ Թուրքիոյ իշխանութիւնները կը փորձեն ամէն գնով աքթիւիսթներուն անունները փոխառնչել 2016 յուլիսին երկրին մէջ կատարուած յեղաղրջման փորձին հետ:
