14.09c
Երեվան
հնգ, ապր 30
ԱՄՆ Մինեսոթա նահանգի Մինէափոլիս քաղաքի դատարանը սեւամորթ Ճորճ Ֆլոյտի սպանութեան համար նախկին ոստիկան Տերիք Շովինը 22.5 տարուան ազատազրկման դատապարտեց, կը հաղորդէ «Ռիա Նովոստի»ն:
Դատաւորը մեղադրեալին ըսած է, որ անոր 10 անգամ աւելի մեծ պատժաչափ կը նշանակէ, քան ընդունուած է նման յանցագործութեան պարագային: Հաւանական է, որ Շովինը հնարաւորութիւն ունենայ 15 տարի անց դիմել վաղաժամկէտ ազատ արձակման համար:
Սեւամորթ Ճորճ Ֆլոյտի սպանութիւնը տեղի ունեցած էր 25 Մայիս 2020-ին, երբ ոստիկանը անոր խեղդամահ ըրած էր գործողութեան ժամանակ: Սպանութենէն ետք Միացեալ Նահանգներու տարբեր հատուածներուն մէջ բողոքի զանգուածային ցոյցեր սկսած էին, որոնց ժամանակ կը պահանջուէր նաեւ բարեփոխել ամերիկեան ոստիկանութիւնը:
