10.09c
Երեվան
երկ, մրտ 23
ԱՄՆ նախագահ Տոնալտ Թրամբ երկրի մէջ արտակարգ դրութիւն յայտարարած է՝ կապուած նոր տեսակի «Քորոնա» ՝ պսակաձեւ ժահրի տարածման հետ, կը յայտնէ Sky News-ը:
«Ես պաշտօնապէս կը յայտարարեմ արտակարգ դրութիւն»,- ըսած է Թրամբը մամուլի ասուլիսի ժամանակ:
Արտակարգ դրութեան ռեժիմը թոյլ կու տայ վարակի տարածման կանխարգելմանն ուղղուած դաշնային միջոցներ տրամադրել նահանգներուն:
ԱՄՆ նախագահի խօսքով՝ այժմ հնարաւոր պիտի ըլլայ «քորոնա ժահր»ի դէմ պայքարի համար 50 միլիառ տոլար յատկացնել:
Աւելի վաղ հաղորդուած էր, որ ԱՄՆ-ն 13 մարտէն ներառեալ՝ 30 օրով պիտի արգիլէ Եւրոպայէն մուտքը Նահանգներ: Ներկայիս ԱՄՆ-ի մէջ գրանցուած է «Քորոնա» պսակաձեւ ժահրի 1629 դէպք, որմէ 41-ը՝ մահուան ելքով։
Ամբողջ աշխարհի մէջ «քորոնա» ժահրով վարակուածներու ընդհանուր թիւը հասած է 131 621-ի, մահուան դէպքերու քանակը 4940 է, առողջացած է աւելի քան 68 500 մարդ: Հայաստան հաստատուած է վարակի 13 դէպք։
