20.09c
Երեվան
երք, մյս 05
Կը շարունակուի Հռոմի Սրբազան Քահանայապետին այցելութիւնը Հայաստան: Պապը յետմիջօրէին այցելած էր նախագահական նստավայր եւ ընդունուած ՀՀ նախագահ Սերժ Սարգսեանի կողմէ: Նախագահ Սարգսեան իր խօսքով անդրադարձ կատարած էր երկու երկիրներու դիւանագիտական յարաբերութեանց 25-րդ տարեդարձին, որ կը զուգադիպի այս տարի նշելով նաեւ, որ անցնող տարիներուն ընթացքին երկու երկիրներուն միջեւ իրականացուած էին պատմադրոշմ իրադարձութիւններ: Իր կարգին Սրբազան քահանայապետը խօսք մը արտասանելով ըսած էր. «Մեծ ուրախութիւն է ինձ համար գտնուիլ այստեղ, հպուիլ այս յոյժ սիրելի հայկական աշխարհի հողին, այցելել հինաւուրց եւ հարուստ աւանդոյթներ ունեցող ժողովուրդի մը հետ, որ քաջութեամբ վկայած է իր հաւատքը, որ շատ տառապած բայց վերածնուած է միշտ։ «...Երկինքը մուգ, ջրերը ջինջ, լիճը լուսէ, Արևն ամռան ու ձմեռուայ վիշապաձայն բուքը վսեմ, ... հազարամեայ քարն ... աղոթք դարձած երկաթագիր գրերը մեր» (Եղիշե Չարենց, «Ես իմ անուշ Հայաստանի»): Ասոնք մի քանի հզոր պատկերներ են, որոնք ձեր հռչակաւոր բանաստեղծը ընծայած է մեզ լուսաւորելու համար մեզ Հայաստանի պատմութեան խորության և բնության գեղեցկության մասին: Այս պատկերները քիչ խոսքերի մէջ կ’ամփոփեն ամբողջ ժողովուրդի մը փառաւր և ողբերգական փորձառութեան արձագանքն ու խտութիւնը եւ տոգորող սէրը Հայրենիքի հանդէպ: Սրտանց երախտապարտ եմ ձեզ, պարոն նախագահ, Հայաստանի Կառավարութեան և բնակչութեան անունու ինձ ուղղված Ձեր բարի գալուստի սիրալիր խոսքերու համար, ինչպես նաեւ ինձ հնարաւորութիւն ընձեռելու համար՝ Ձեր ազնիւ հրաւերի շնորհիւ, փոխադարձելու անցեալ տարի Վատիկան կատարած ձեր այցը, երբ Սուրբ Պետրոսի տաճարին մէջ՝ Ծայրագույն Պատրիարք և Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա.ի, եւ Տանն Կիլիկիոյ Կաթողիկէ հայոց Պատրիարք երջանկայիշատակ Ն.Ե.Ներսես Պետրոս ԺԶ-ի հետ միասին, ներկա գտնվեցաք հանդիսաւոր արարողութեանը։ Այդ առիթով հիշատակվ Մեծ Եղեռնի 100-րդ տարելիցը, որ հարուածեց ձեր ժողովուրդը և որ անչափ անհամար զոհեր պատճառեց։ Այդ ողբերգութիւնը, ցաւօք, գլխաւորեց անցեալ դարու անմարդկային աղէտներու տխուր ցուցակը, որոնք իրականացուեցան ցեղապաշտական, գաղափարախօսական և կրօնական մոլորեցնող շարժառիթներով և որոնք մթագնեցին մարդասպաններու միտքը, որոնք նպատակադրուեցան ոչնչացնելու մինչև իսկ ամբողջ ժողովուրդները: Յարգանքի իմ տուրքը կը մատուցեմ հայ ժողովրդին, ով լուսավորուած Աւետարանի լոյսով, նույնիսկ իր պատմության ամենաողբերգական պահերուն, Քրիստոսի Խաչի եւ Յարութեան մեջ գտած է կրկին վեր յառնելու ուժը և արժանապատուութեամբ վերսկսելու իր ուղին։ Այս մէկը կ'ապացուցէ, թէ որքան խոր են քրիստոնէական հաւատքի արմատները և մխիթարութեան ու յոյսի ինչ անհատնում գանձ են թաքցնում։ Մեր աչքի առջեւ ունենալով անցեալ դարու ատելութեան, նախապաշարումներու և տիրելու անսանձ փափաքի պատճառած աղէտաբեր հետեւանքները, ի սրտէ կը մաղթեմ , որ մարդկութիւնը ունակ ըլլայ դաս քաղելու այդ ողբերգական փորձառութիւններէն , գործելու պատասխանատուութեամբ եւ իմաստութեամբ՝ նման սարսափներու մէջ կրկին չիյնալու վտանգը կանխելու նպատակով։ Պէտք է, հետեւաբար, բազմապատկուին բոլորի ջանքերը, որպէսզի միջազգային բանավէճերու գերակայութիւնը տրուի երկխոսութեանը, խաղաղութեանը հասնելու կայուն և անկեղծ պրպտումին, պետութիւններու միջեւ երկխոսութեան և միջազգային մարմիններու վստահութեան մթնոլորտ կառուցելու մշտական ջանքերուն՝ մնայուն համաձայնութիւններու հասնելու նպատակով։
Կաթոլիկ Եկեղեցին կը փափաքի համագործակցիլ բոլոր անոնց հետ, որոնք սրտի մոտ կ'ընդունի քաղաքակրթութիւններու ճակատագրերը և մարդու իրաւունքներու հանդէպ յարգանքը՝ աշխարհի հոգևոր արժեքներու գերակայությունը ապահովելու համար՝ դիմակազերծելով բոլոր անոնց, որոնք կ'աղաւաղեն անոնց իմաստն ու գեղեցկութիւնը։ Այս կապակցութեամբ, կենսական կարեւորութիւն ունի այն փաստը, որ բոլոր անոնք որոնք կը յայտարարեն իրենց հաւատքը Աստծոյ հանդէպ, միատեղեն իրենց ուժերը՝ մեկուսացնելու բոլոր անոնց , որոնք կրոնքը կը ծառայեցնեն պատերազմական ծրագրերը առաջ տանելու, հարստահարութիւնը և բռնի հալածանքը ՝ գործիք դարձնելով եւ շահարկելով Աստծոյ Սուրբ Անունը։
