28.09c
Երեվան
ուրբ, սպտ 11
Լիբանանի եւ Իսրայէլի պատուիրակութիւնները Սեպտեմբեր 15-16-ին Հռոմի մէջ պիտի կայացնեն բանակցութիւններու ութերորդ փուլը՝ նուիրուած հակամարտութեան խաղաղ կարգաւորման։ Այս մասին յայտնած է Al Jazeera հեռուստակայանը՝ վկայակոչելով դիւանագիտական աղբիւրներ։
Անոր տեղեկութիւններով՝ կողմերը պիտի քննարկեն լիբանանեան բանակի վերահսկողութեան տակ գտնուող հարաւային շրջաններուն մէջ նոր «փորձնական գօտիներու» ստեղծումը։
Սեպտեմբեր 4-ին Իսրայէլ բարի կամքի դրսեւորում կատարած է՝ գերութենէ ազատ արձակելով հինգ հոգիէ բաղկացած խումբը, ինչ որ նպաստած է երկկողմ շփումներու վերսկսման։
Ինչպէս յայտարարած է հանրապետութեան վարչապետ Նաուաֆ Սալամը, Լիբանանի կառավարութիւնը պիտի շարունակէ բանակցային գործընթացը՝ հասնելու համար երկրի ամբողջ տարածքէն իսրայէլեան զօրքերու ամբողջական դուրսբերման եւ բնակչութեան անվտանգ վերադարձին՝ հարաւ։
Յիշեցնենք, որ նախորդ փուլը տեղի ունեցած էր Օգոստոս 4-6-ին։ Այն ընդհատուած էր Լիբանանի հարաւային շրջանին մէջ «Հըզպալլա»-ի կողմէ իրականացուած զինեալ հրահրման պատճառով։
