«Ժամանակը հասաւ, որ Թուրքիա հեռանայ Սուրիոյ հիւսիսէն» Նախարար Ֆայսալ Մըքտատ

 «Ժամանակը հասաւ, որ Թուրքիա հեռանայ  Սուրիոյ հիւսիսէն» Նախարար Ֆայսալ Մըքտատ

  Մըքտատ, որ հարցազրոյց տուած է  սուրիական «Ալ Ուաթան» օրաթերթին նաեւ յայտնած է, որ Սուրիան պատրաստ է յարաբերութիւններու նոր   էջ մը բանալ Թուրքիոյ հետ, պայմանաւ, որ վերջինս հեռացնէ իր ուժերը Սուրիոյ հիւսիսային շրջաններէն եւ  դադրի  Սուրիոյ մէջ  զաւթիչ ներկայութիւն  մը ըլլալէ»։

Սուրիոյ Արտաքին Գործոց նախարար Ֆայսալ Մըքտատ     յայտարարած է, որ «Ժամանակը հասաւ, որպէսզի Թուրքիա հեռացնէ իր զօրքերը Սուրիոյ հիւսիսային շրջաններէն»։

Մըքտատ, որ հարցազրոյց տուած է  սուրիական «Ալ Ուաթան» օրաթերթին նաեւ յայտնած է, որ Սուրիան պատրաստ է յարաբերութիւններու նոր   էջ մը բանալ Թուրքիոյ հետ, պայմանաւ, որ վերջինս հեռացնէ իր ուժերը Սուրիոյ հիւսիսային շրջաններէն եւ  դադրի  Սուրիոյ մէջ  զաւթիչ ներկայութիւն  մը ըլլալէ»։

 Մըքտատ, որ  մեծապէս կարեւորած է  Ռուսաստանի հետ Սուրիոյ  յարաբերութիւնները նկատել տուած է, որ այդ յարաբերութիւնները խորքային եւ բազմաբնոյթ են, շեշտադրելով, որ Ռուսաստան անկեղծ դաշնակիցն է Սուրիոյ ու նաեւ առաջամարտիկ է ահաբեկչութեան  դէմ պայքարելու օրակարգով։ 

 Աւարտին Մըքտատ ըսած է, որ Սուրիան պատրաստ է արաբական երկիրներուն եւ Իրանի միջեւ  տեղի ունենալիք ցանկացած  երկխօսութեան   նպաստող միջնորդի դերով հանդէս գալ։

Յիշեցնենք, որ Մըքտատ  այս յայտարարութիւնները լսելի կը դառնան այն պահուն, երբ  Սուրիոյ ուղղութեամբ համաարաբական  դրական մեծ  տեղաշարժ մը  կը հասուննայ, սկսած մասնաւորապէս Յորդանանով, որուն Ապտալլա Թագաւորը օրերս  հաղորդակցութեան մէջ մտաւ Սուրիոյ նախագահ Պաշշար Ասատին հետ։

 

 Լուրը ՝ «Ալ Մայատին»էն