6.71c
Երեվան
հնգ, փտր 26
Ատրպէյճանի նախագահի խորհրդական Հիքմեթ Հաճիեւ արտասահմանեան երկիրներու դիւանագէտներու եւ լրագրողներու համար կազմակերպուած ճեպազրոյցին յայտարարած է, որ Պաքուն երաշխիքներ ստացած է, որ հայկական զինուած ուժերը Ղարաբաղի տարածաշրջանին մէջ պիտի զինաթափուին:
Ըստ Հաճիեւի՝ անոնք պիտի լքեն իրենց դիրքերը, իսկ ամբողջ զինտեխնիկան, ներառեալ ծանր տեխնիկան, պիտի տեղափոխուի Ատրպէյճան: Ըստ անոր՝ այդ ամէնը պիտի փոխանցուի ռուսական խաղաղապահ զօրակազմի հրամանատարութեան հետ համաձայնեցուած։
ԼՂ հայ բնակչութեան ընկերային-տնտեսական համարկումը Ատրպէյճանի ներքին խնդիրն է
Նոյն ճեպազրոյցին Հաճիեւ նաեւ նշած է, թէ Լեռնային Ղարաբաղի հայ բնակչութեան ընկերային-տնտեսական համարկումը Ատրպէյճանի ներքին խնդիրն է՝ ընդգծելով, որ համարկման ծրագիրն արդէն պատրաստ է: Հաճիեւի խօսքով՝ վերահամարկման վերաբերեալ հարցերն առաւել մանրամասն պիտի քննարկուին 21 սեպտեմբերին՝ Եվլախի մէջ նախատեսուած հանդիպման:
Ալիեւի օգնականն անդրադարձած է նաեւ Հայաստանի հետ խաղաղութեան պայմանագրին, շեշտած՝ Պաքուն, ընդհանուր առմամբ, պատրաստ է պայմանագիր կնքելու Հայաստանի հետ: Միեւնոյն ժամանակ ան հայկական կողմը մեղադրած է Ատրպէյճանի դէմ ամիսներ շարունակ հիպրիտային (խառնածին) պատերազմ մղելու, անոր տարածքային ամբողջականութիւնը կասկածի տակ դնելու համար:
Հիքմեթ Հաճիեւ անդրադարձած է նաեւ 21 սեպտեմբերին ՄԱԿ-ի Անվտանգութեան խորհուրդէն ներս սպասուող քննարկման՝ շեշտելով, թէ Լեռնային Ղարաբաղի մէջ ստեղծուած իրավիճակը կարգաւորելու համար ՄԱԿ-ի յատուկ մեխանիզմներու կիրառման կարիք չկայ:
