Արեվելք - Արևելք լրատուական

226
26/05/2023

Ուքրանիոյ հակամարտութիւնը կրնայ դառնալ «սառեցուած հակամարտութիւն». Politico

Politico-ն յղում ընելով անանուն պաշտօնեաներու մասնաւորապէս կը գրէ.-

Ամերիկայի Միացեալ Նահանգներու պաշտօնեաները կը ծրագրեն այն աճող հաւանականութիւնը, որ Ռուսիա-Ուքրանիա պատերազմը վերածուի սառեցուած հակամարտութեան, որ կը տեւէ երկար տարիներ, գուցէ տասնամեակներ, ու կը միանայ Քորէական թերակղզիի, Հարաւային Ասիոյ ու անկէ զատ նման երկարատեւ դիմակայութիւններու շարքին:

Պայտընի վարչակազմի կողմէ քննարկուող տարբերակները երկարաժամկէտ «սառեցման» համար կը ներառեն, թէ ուր կարելի է սահմանել հնարաւոր գիծերը, որոնք Ուքրանիան ու Ռուսիան կը համաձայնին չհատել, բայց եւ միաժամանակ չպէտք է ըլլան պաշտօնական սահմաններ: Քննարկումները, թէեւ նախնական, տեղի ունեցած են Միացեալ Նահանգներու տարբեր գործակալութիւններու եւ Սպիտակ տան մէջ:

«Մենք այս հակամարտութիւնը երկարաժամկէտի համար կը ծրագրենք անկախ անկէ, թէ այն սառեցուած, կամ հալուած տեսք ունի», - ըսած է Պայտընի վարչակազմի՝ Ուքրանիոյ վերաբերեալ քննարկումներուն ծանօթ ամերիկացի պաշտօնեան: Ան ըսած է, որ նման ծրագրաւորումը վարչակազմի աճող ուշադրութեան կեդրոնն է, մինչդեռ անցեալ ամիսներուն «ամէն ինչ հրատապ ու կարճաժամկէտ էր»:

«Դպրոց մը կայ, որ կ'ըսէ. «Օ՜, ուքրանացիները պէտք է ունենան Մարիուփոլը եւ հասանելիութիւն Ազովի ծովին»: Կան ուրիշներ, որոնք աւելի քիչ հակուած են կարմիր գիծեր տեղադրելու, քանի դեռ Ուքրանիան ապահով է դէպի ապագայի ճանապարհին»,– ըսած է վարչակազմի նախկին պաշտօնեան՝ նկարագրելով ներքին խօսակցութիւնները։