image

Ոստիկանութեան Նոր Նորքի բաժնէն ներս ահաբեկչութեան վարոյթով երկու անձ կալանաւորուած է

Ոստիկանութեան Նոր Նորքի բաժնէն ներս ահաբեկչութեան վարոյթով երկու անձ կալանաւորուած է

Ոստիկանութեան Նոր Նորքի բաժնէն ներս ահաբեկչութեան վերաբերեալ վարոյթով ձերբակալուած երեք անձերէն երկուքը կալանաւորուած են, յայտնած է Քննչական կոմիտէն։

Երրորդ անձը կը շարունակէ կայուն բուժումը բուժհաստատութենէն ներս, անոր ձերբակալելու որոշում կայացուած է։

Նշուած երեք անձանց ներկայացուած է մեղադրանք՝ ՀՀ քրէական օրէնսգիրքի 308-րդ յօդուածի 1-ին մասով (ահաբեկչութիւնը) եւ 335-րդ յօդուածի 2-րդ մասով (խումբի կազմին մէջ հրազէնի, ատոր հիմնական բաղկացուցիչ մասերու, ռազմամթերքի եւ այլ նիւթերու, սարքերու, առարկաներու ապօրինի շրջանառութիւնը) նախատեսուած յանցաւոր արարքներ կատարելու համար։

Քննչական կոմիտէն պարզած էր, որ Ոստիկանութեան Նոր Նորքի բաժին մուտք գործած երեք քաղաքացիներն ունեցած են հակաիշխանական հայեացքներ․ «Իրենց պահանջները կատարելուն հարկադրելու նպատակով, մարտի 24-ին՝ ժամը 17-ից 17.15-ն ընկած ժամանակահատուածում ապօրինի կերպով ձեռք բերած եւ իւրաքանչիւրի մօտ գտնուող ռազմամթերք հանդիսացող երկուական ձեռքի մարտական նռնակներով, մուտք են գործել Նոր Նորքի բաժնի վարչական շէնք։ Շէնքը պայթեցնելու սպառնալիքով վերջիններս ծառայութիւն իրականացնող ոստիկաններից պահանջել են ազատ արձակել իրենց համախոհներին, բացել հերթապահ մասի դուռը, իրենց տալ այնտեղ պահուող զէնքերը»։

Անոնք վնասազերծուած եւ զինաթափուած են Ոստիկանութեան եւ ՀՀ ազգային անվտանգութեան ծառայութեան աշխատակիցներու կողմէ: