Տաս տարուան խզումէ ետք՝ Էրտողան -Ասատ հեռախօսազրո՞յց

Տաս տարուան խզումէ ետք՝ Էրտողան -Ասատ հեռախօսազրո՞յց

Թուրքիոյ եւ Սուրիոյ նախագահներ Ռեճէպ Թայէպ Էրտողան եւ Պաշշար Ասատ հնարաւոր է հեռախօսազրոյց ունենան։

Այս մասին յայտնած է թրքական իշխանամէտ Turkiye թերթը՝ վկայակոչելով իր աղբիւրները: Նշուած է, որ երկու նախագահները 2011-էն ի վեր չեն խօսած :

Թուրքիոյ նախագահը Սոչիի մէջ իր ռուս գործընկերոջ հետ հանդիպումէն ետք լրագրողներուն ըսած է, որ Վլատիմիր Փութինն իրեն առաջարկած է «ընտրել Սուրիոյ մէջ խնդիրները լուծելու ուղին»՝ համագործակցելով Պաշշար Ասատի վարչակարգի հետ։

Հարցի շուրջ նաեւ խօսած է Ռուսիոյ Դաշնութեան նախագահի մամուլի խօսնակ Տմիթրի Փեսքովը, նշելով.

«Սոչիի մէջ վերջերս կայացած հանդիպման ժամանակ քննարկուած են Սուրիոյ հետ կապուած հարցերը: Ինչ կը վերաբերի հեռախօսով երկկողմ շփումներու հեռանկարին, ապա այդ մասին պէտք է հարցնել Անգարային, կամ Դամասկոսին»:

Յիշեցնենք, որ Ասատ-Էրտողան յարաբերութիւնները լարուեցան Սուրիոյ պատերազմի մեկնարկէն ի վեր: