3.09c
Երեվան
շբթ, դկտ 21
Լիբանանահայ թատրոնի տաղանդաւոր անուններէն՝ Զօհրապ Եագուպեան ծանր կաթուած մը անցուցած է։
Այս մասին «Արեւելք» տեղեկութիւն ստացաւ Լոս Անճելըսի իր աղբիւրէն։
Մեր աղբիւրը նաեւ հաղորդեց, որ Եագուպեան կաթուածէն ետք փոխադրուած է հիւանդանոց եւ յանձնուած բժիշկներու խնամքին։
կը հաղորդուի նաեւ, որ Եագուպեան կը բոլորէ դժուարին պահեր ու յաճախ անոր ինքնազգացողութիւնը կը վատանայ։
Առողջութիւն կը մաղթենք մեր հայրենակիցին մեր ընթերցողներուն յիշեցնելով, որ 1980-ականներէն սկսեալ Եագուպեանի անունը մշտապէս ներկայութիւն եղած է լիբանանահայ բեմերուն վրայ։ Աւելի ուշ Եագուպեան անհատական ճիգերով կազմած է «Փորձառական թատրոն»ը իր շուրջ հաւաքելով խումբ մը տաղանդաւոր անուններ։ Աւելի ուշայդ թատրոնի «Մեղուներու խումբ»ը, ունեցած է փայլուն ելոյթներ ու դարձած լիբանանահայ թատրոնը սիրող հասարակութեան ամէնափնտռուած ելոյթները ներկայացնող թատերախումբ։
Յիշեցնենք նաեւ, որ Եագուպեան աւելի քան 15 տարիէ ի վեր հեռացած է Պէյրութէն եւ հաստատուած ԱՄՆ-ի մէջ։
