14.09c
Երեվան
հնգ, ապր 23
Երեքշաբթի՝ 19 յուլիսին, Սրի Լանքայի խորհրդարանէն ներս երեք թեկնածու առաջադրուած է նախագահական ընտրութիւններուն մասնակցելու: Ընտրութիւնները պիտի կայանան չորեքշաբթի, խորհրդարանական քուէարկութեամբ: Այս մասին կը հաղորդէ Սրի Լանքայի «Adaderana» լրատուական կայքը, կը գրէ «Ռիա Նովոստի»ն:
Իշխող դաշինքի թեկնածու առաջադրուած է գործող վարչապետ եւ ժամանակաւոր նախագահ Ռանիլ Վիքրեմեսինկհէն, գլխաւոր ընդդիմադիր դաշինքն առաջադրած է իշխող կուսակցութեան պատգամաւոր եւ նախկին վարչակազմի զանգուածային հաղորդակցութեան նախկին նախարար Տալլաս Ալահապերումայի թեկնածութիւնը, «Ժողովուրդի ազգային իշխանութիւն» ընդդիմադիր մարքսիստ-լենինեան դաշինքի կողմէ առաջադրուած է դաշինքի նախագահ Անուրա Քումարա Տիսանայաքէի թեկնածութիւնը:
Աւելի վաղ յայտնի դարձած էր, որ Սրի Լանքայի խորհրդարանի գլխաւոր ընդդիմադիր դաշինքի առաջնորդ Սաճիտ Պրեմատասան հրաժարած է առաջադրուելէ որպէս նախագահի թեկնածու եւ յայտարարած է, որ իր խմբակցութիւնը պիտի աջակցի Տալլաս Ալահապերումային, որ յաջորդաբար պիտի զբաղցնէր նախարարի պաշտօնները։
