3.09c
Երեվան
ուրբ, փտր 27
Պաշտպանութեան նախկին նախարար, Ազգային Ժողովի «Հայաստան» խմբակցութեան պատգամաւոր Սէյրան Օհանեանի տիկնոջ՝ Ռուզաննա Խաչատրեանի վերաբերեալ քրէական վարոյթը դատարանն է։ «Դատալեքս» համակարգի համաձայն՝ քրէական գործը մակագրուած է Հակափտածութեան դատարանի դատաւոր Արամ Գրիգորեանին։ Այս մասին կը հաղորդէ «Փաստինֆո»ն:
Քրէական գործը կը վերաբերի գոյքի օտարման եւ յայտարարագրերու մէջ երկու անշարժ գոյքի առկայութիւնը թաքցնելուն։ Մասնաւորապէս, ըստ մեղադրանքի, Ռուզաննա Խաչատրեանը 2021 թուականի դեկտեմբեր 13-էն 2022 թուականի յունիս 23-ն ինկած ժամանակահատուածին կազմակերպած եւ ղեկավարած է Աննա Բադալեանի եւ Կարինէ Մարգարեանի կողմէ քաղաքացիական գործով ապացոյցներ կեղծելը, կազմակերպած եւ ղեկավարած է Աննա Բադալեանի կողմէ քաղաքացիական գործով արգելանքի տակ գտնուող գոյքերու նկատմամբ ապօրինի գործողութիւններու կատարումը, որ դրսեւորուած է այդ գոյքերն ապօրինի օտարելով, ինչպէս նաեւ, 2022 թուականէն մինչեւ 2024 թուականն ինկած ժամանակահատուածին, հանդիսանալով Հայաստանի Հանրապետութեան օրէնսդրութեամբ սահմանուած յայտարարագիր ներկայացնելու պարտականութիւն ունեցող անձ, իր կողմէ ներկայացուած յայտարարագրերուն մէջ թաքցուցած է յայտարարագրման ենթակայ թիւով 2 անշարժ գոյքերու վերաբերեալ տուեալները, որ յանգեցուցած է առանձնապէս խոշոր չափերով գոյքերու չյայտարարագրման:
Քրէական գործով Խաչատրեանէն բացի մեղադրեալի կարգավիճակ ունին նաեւ անոր ազգականները՝ Աննա Բադալեանը եւ Կարինէ Մարգարեանը։ Բոլոր մեղադրեալներու նկատմամբ որպէս խափանման միջոց կիրառուած է բացակայելու արգելքը։
