3.09c
Երեվան
երք, հնվ 13
Հայաստանի վարչապետ Նիկոլ Փաշինեանի համոզմամբ՝ Գարեգին Երկրորդ կաթողիկոսը հեռացնելու գործընթացը պէտք է ըլլայ անցնցում, քրիստոնէական հանդուրժողականութեամբ եւ սիրով տոգորուած:
Այս մասին վարչապետը նշած է լրագրողներու հետ ճեպազրոյցին՝ անդրադառնալով նկատառման, որ Ամենայն հայոց կաթողիկոս Գարեգին Երկրորդը չի պատրաստուիր հեռանալ:
«Մենք պատրաստւում ենք այնպէս անել, որ նա իր մտադրութիւնը փոխի, Սերժ Սարգսեանն էլ հեռանալու մտադրութիւն չունէր, բայց ստիպուած էր հեռանալ, նոյնն էլ՝ Կտրիճ Ներսիսեանը ստիպուած կը լինի հեռանալ»,- ըսած է Փաշինեանը:
ՀՀ վարչապետ Նիկոլ Փաշինեանը 10 յունիս 2025-ին առաջարկած է ստեղծել համակարգող խորհուրդ, որ գործուն քայլեր պիտի ձեռնարկէ կաթողիկոսական նոր ընտրութիւններ կազմակերպելու ուղղութեամբ։
Աւելի վաղ ՀՀ վարչապետը Ն.Ս.Օ.Օ.Տ. Գարեգին Բ. Ամենայն հայոց կաթողիկոսը եւ խումբ մը բարձրաստիճան հոգեւորականներ մեղադրած էր կուսակրօնութեան ուխտը խախտելու մէջ՝ յայտարարելով՝ եթէ պարզուի, որ Գարեգին Երկրորդը իսկապէս խախտած է իր կուսակրօնութեան ուխտը եւ երեխայ ունեցած է, ան չի կրնար ըլլալ Ամենայն հայոց կաթողիկոս։ Վերջերս ալ վարչապետ Նիկոլ Փաշինեանը յայտարարած է, որ ոմանք Հայ Առաքելական եկեղեցին կ՚օգտագործեն որպէս Հայաստանի դէմ խառնածին արշաւի գործիք։ Եկեղեցականներն ալ իրենց հերթին ՀՀ վարչապետը մեղադրած են հակաեկեղեցական արշաւ սկսելու մէջ:
07 յունուար 2026-ին Հայաստանեայց Առաքելական Սուրբ Եկեղեցւոյ Բարենորոգման խորհուրդը կայացուցած է իր առաջին նիստը։
