4.09c
Երեվան
ուրբ, փտր 27
Հայ-թրքական յարաբերութիւններու կարգաւորման գծով Թուրքիոյ բանագնաց Սերտար Քըլըչը Անթալիոյ դիւանագիտական ֆորումին քննարկման ժամանակ ըսած է, որ հայ-թրքական կարգաւորումը շատ կարեւոր հարց է եւ որ կողմերու միջեւ բանակցութիւնները կը շարունակուին:
«Մոսկուայի մէջ հանդիպման ժամանակ մենք նշած ենք հայ-թրքական կարգաւորման գործընթացի հիմնական չափորոշիչները եւ կողմ ենք ամբողջական կարգաւորման», -ըսած է Քըլըչը՝ ընդգծելով, որ Հայաստանի եւ Թուրքիոյ տեսանկիւնէ՝ սա ոչ թէ կարգաւորման, այլ երկու երկրի միջեւ փոխադարձ վստահութեան ստեղծման գործընթաց է:
«Կը կարծեմ՝ ճիշդ ուղղութեամբ կը շարժինք: Մենք պէտք է համապատասխան միջոցներ ձեռնարկենք վստահութեան ամրապնդման համար: Պէտք է կեդրոնանանք այն պահերու վրայ, որոնք մեզ կը միաւորեն, այլ ոչ թէ բաժանեն: Հակառակ պարագային կողմերու միջեւ հեռաւորութիւնը աւելի կը մեծնայ», -ըսած է թուրք դիւանագէտը:
