29.09c
Երեվան
հնգ, օգս 14
Ռուսիան պիտի ուսումնասիրէ Հայաստանի եւ Ատրպէյճանի միջեւ փոխադրային միջանցքի նախագիծի մանրամասնութիւնները, որ կը կոչուի «Թրամփի ճանապարհ միջազգային խաղաղութեան եւ բարգաւաճման համար»։ Այս մասին ճեպազրոյցի ժամանակ յայտարարած է Ռուսիոյ արտաքին գործոց նախարարութեան տեղեկատւութեան եւ մամուլի բաժնի փոխտնօրէն Ալեքսէյ Ֆատաեւը։
«Ռուսիոյ արտաքին գործոց նախարարութիւնը պիտի ուսումնասիրէ «Թրամփի ճանապարհ» նախագիծի մանրամասնութիւնները, որոնք, ի դէպ, դեռ հրապարակային չեն։ Եւ, ինչպէս արդէն նշեր ենք, Հարաւային Կովկասի մէջ արտատարածաշրջանային ուժերու ներգրաւումը այս պարագային պէտք է առաջ մղէ խաղաղութեան օրակարգը, այլ ոչ թէ ստեղծէ նոր խնդիրներ եւ նոր բաժանարար գիծեր», –ըսած է ան։
Ֆատէեւը նաեւ անհրաժեշտ համարած է հաշուի առնել այնպիսի գործօններ, ինչպիսիք են Հայաստանի անդամակցութիւնը ԵԱՏՄ-ին եւ ռուս սահմանապահներու ներկայութիւնը Սիւնիքի մարզին մէջ։
«Ատոնք պէտք է հաշուի առնուին տարածաշրջանին մէջ փոխադրային հաղորդակցութիւններու ապաշրջափակման վերաբերեալ որոշումներ մշակելու ժամանակ», –ըսած է Ֆատէեւը։
