31.09c
Երեվան
երք, օգս 25
ԱՄՆ-ը պատրաստ է կառուցողական դերակատարութիւն ունենալու Մոսկուայի եւ Քիեւի միջեւ բանակցութիւններուն աջակցելու հարցով՝ հակամարտութիւնը դադրեցնելու նպատակով։ Նման յայտարարութեամբ հանդէս եկած է ՄԱԿ-ի մէջ ԱՄՆ-ի մշտական ներկայացուցիչի տեղակալ Տէն Նեկրեան։
«Միացեալ Նահանգները պատրաստ է որեւէ կառուցողական դեր ստանձնելու, որ կրնայ նպաստել Մոսկուայի եւ Քիեւի միջեւ բանակցութիւններուն եւ այդ արդիւնքին հասնելու», ըսած է Նեկրեան։
Ան նաեւ կոչ ըրած է Ռուսիոյ եւ Ուքրանիոյ վերադառնալու բանակցութիւններու սեղանի շուրջ։ Դիւանագէտին համաձայն՝ կողմերը պէտք է դադրեցնեն այն հարուածները, որոնք ուղղուած են քաղաքացիական նաւերու դէմ կամ անոնց վնաս հասցնելու վտանգ կը ստեղծեն։
