22.58c
Երեվան
շբթ, հլս 18
Ռուսիան Իրանի մէջ 44 միլիառ տոլար պիտի ներդնէ՝ կազատարի կառուցման եւ հանքավայրերու զարգացման համար, գրած է «Коммерсант»-ը։ Այս մասին յայտարարած է Իրանի նաւթի նախարար Ճաուատ Օուճին։
«Ռուսիոյ հետ ստորագրած ենք 4 միլիառ տոլարի փոխըմբռնման յուշագիր՝ հանքավայրերու զարգացման համար, ինչպէս նաեւ 40 միլիառ տոլարի գործարք՝ կազատարներու եւ հեղուկացուած բնական կազի արդիւնահանման կայանքներու կառուցման համար»,-ըսած է ան։
Սեպտեմբերին Fars գործակալութիւնը՝ վկայակոչելով Իրանի նաւթի նախարարութեան զեկոյցը, յայտնած է, որ Իրանի ազգային նաւթային ընկերութիւնը «Կազփրոմ»-էն օրական 9 միլիոն խորանարտ մեթր կազ պիտի գնէ։ Կազը պիտի մատակարարուի Ատրպէյճանի տարածքով։
Բացի այդ, Իրան կը նախատեսէ ստանալ օրական 6 միլիոն խորանարտ մեթր կազ՝ այլ երկիրներ փոխանակելի մատակարարումներու համար։
