14.09c
Երեվան
ուրբ, ապր 24
Եւրոպական միութեան՝ Ռուսիոյ նկատմամբ պատժամիջոցները պիտի համաձայնեցուին 21 յուլիսին, որմէ ետք պիտի հրապարակուին պաշտօնական ամսագրին մէջ եւ ուժի մէջ պիտի մտնեն:
Ինչպէս կը հաղորդէ «Արմէնփրէս»-ը՝ վկայակոչելով «ՌԻԱ Նովոստի»-ին, այս մասին յայտնած է Չեխիոյ պատուիրակութիւնը, որ ներկայիս կը նախագահէ Եւրոպական Միութիւնը:
Եւրոպական Միութեան մշտական ներկայացուցիչները 20 յուլիսին կայացած նիստին հաստատած են Ռուսիոյ դէմ պատժամիջոցները: Եօթներորդ փաթեթին մէջ ներառուած է Ռուսիայէն ոսկիի ներմուծման արգելքը:
Աւելի վաղ Եւրոպական յանձնաժողովը տեղեկացուցած էր Ռուսիոյ դէմ նոր միջոցներու նախապատրաստման մասին, որոնք, ի թիւս այլ բաներու, կը ներառեն նաեւ ռուսական ոսկիի ներկրման արգելքը։ ԵՄ դիւանագիտութեան ղեկավար Ժոզեփ Պորելն ալ առաջարկած է ընդլայնել այն անձանց եւ ընկերութիւններու ցուցակները, որոնք ենթակայ են ԵՄ սահմանափակումներու:
