image
Հրատապ լուրեր:

Քաջազնունիի ամբողջ աւանդը մէկ հատորի մէջ

  Քաջազնունիի  ամբողջ աւանդը  մէկ հատորի մէջ

Հայկական ուսումնասիրութիւններու ԱՆԻ կեդրոնէն վերահասու դարձանք,  որ 23 յունուարէն սկսեալ վաճառքի  հանուած է ՀՀ հիմնադիր վարչապետ՝ Յովհաննէս Քաջազնունիի ԵՐԿԵՐ-ու լրամշակուած, երկրորդ հրատարակութիւնը:

 

Առաջին հրատարակութեան ութ աշխատութիւններուն աւելցած են եւս վեցը:

«ՀՀ առաջին վարչապետի այս հատորի հրատարակութիւնը նուիրւում է իմ բարեկամ, ԱՆԻ կենտրոնի Պատւոյ խորհրդի ցկեանս անդամ Եդուարդ Մսրլեանի յիշատակին: Մսրլեանը տարիներ շարունակ մասնակցեց ԱՆԻ կենտրոնի աշխատանքներին, նրա նուիրատւութիւններով տպագրուեցին մի քանի արժէքաւոր հատորներ: Այսուհետ, ԱՆԻ կենտրոնի հրատարակուելիք գրքերը, ինչպէս այս արժէքաւոր հատորը՝ հիմնադիր վարչապետ Քաջազնունու ԵՐԿԵՐը, կը նուիրուեն նրա յիշատակին»,- ըսած է հատորի խմբագիր եւ կազմող Թաթուլ Յակոբեանը:

ԵՐԿԵՐ-ու առաջին հրատարակութիւնը եղած է 2018 թուականին:

27 յունուարի երեկոյեան, Մսըրլեանի յիշատակի երեկոյի ընթացքին պիտի ներկայացուի գիրքը:

Գրախանութները գիրքին արժէքն է 6.000 դրամ, շնորհանդէսի օրը եւ ԱՆԻ կեդրոնէն ձեռք բերելու պարագային՝ 5.000 դրամ:

Գիրքի էջերուն քանակը 510 է:

Հայկական ուսումասիրութիւններու ԱՆԻ կեդրոն 

22 յունուար, 2023