-5.91c
Երեվան
կրկ, դկտ 22
Փենթակոնը զուտ պաշտօնական լիազօրութիւններ ունի՝ 4,2 միլիառ տոլար ծախսելու Քիեւին զէնք մատակարարելու համար, սակայն այդ միջոցներու յատկացումը հնարաւոր չէ՝ առանց ԱՄՆ Քոնկրեսի կողմէ ֆինանսաւորման հաստատման: Այդ մասին յայտարարած է գերատեսչութեան մամուլի քարտուղար Փաթրիք Ռայտըրը:
«Մենք լիազօրութիւններ ունինք այդ միջոցները ծախսելու, բայց չունինք համալրման միջոցներ, որ համալրենք մեր սեփական պաշարները։ Լիազօրութիւն ունենալը դեռ չի նշանակեր, որ այդ ֆինանսական միջոցները հասանելի են», - ըսած է Ռայտըրը ճեպազրոյցի ժամանակ։
Խօսքը սպառազինութիւններու փոխանցման նախագահական ծրագրի (PDA) մասին է, որու շրջածիրէն ներս ԱՄՆ պաշտպանութեան նախարարութիւնը լիազօրութիւն ունի ծախսելու մօտաւորապէս 4,2 միլիառ տոլար:
Ռայտըրը յայտնած է, որ քանի դեռ Քոնկրեսը չէ հաստատած ԱՄՆ նախագահ Ճօ Պայտընի դիմումը, այդ շարքին, Ուքրանիոյ օգնութիւն յատկացնելու մասին, Ուաշինկթընը չի կրնար օգնութիւն ցուցաբերել Քիեւին:
Միջոցները, որոնց մասին խօսած է Ռայտըրը, յայտնուած են այն բանէ ետք, երբ սխալ յայտնաբերուած է Ուքրանիոյ տրամադրուող օգնութեան գնահատման մէջ, որ Փենթակոնին հնարաւորութիւն տուած է եւս աւելի քան վեց միլիառ տոլար ծախսել Քիեւին օգնութիւն տրամադրելու վրայ։
