18.09c
Երեվան
չրք, սպտ 24
Նիկոլ Փաշինեանը թող հրապարակէ Ղարաբաղի վերաբերեալ բոլոր փաստաթուղթերը, եւ բանավէճի կարիք չըլլար, բոլոր փաստաթուղթերն իր ձեռքի տակ են։ Այս մասին լրագրողներուն ըսած է Հայաստանի առաջին նախագահ Լեւոն Տէր-Պետրոսեանը, պատասխանելով հարցին, թէ ինչո՞ւ ան չընդունիր Փաշինեանի հետ բանավիճելու առաջարկը։
Մատենադարանէն ներս իր 80-ամեայ յոբելեանի առթիւ կազմակերպուած գիտաժողովին պատասխանելով լրագրողներու հարցերուն՝ Տէր-Պետրոսեանը նշած է. «Որ [Նիկոլ Փաշինեանը] հրապարակի, արդէն վէճը վերջացած կը լինի, ամէն ինչ ասուած է»։
Լրագրողի պնդման, թէ Փաշինեանն Արցախի խնդրի լուծման հարցով կը կրկնէ Տէր-Պետրոսեանի թեզերը՝ առաջին նախագահը պատասխանած է. «Էդ թեզերը ինքը կործանեց՝ Ստեփանակերտում յայտարարելով «Արցախը Հայաստան է եւ վերջ»։ Ոչ մի կապ չունի իմ Ղարաբաղեան քաղաքականութիւնը իր քաղաքականութեան հետ, բացարձակապէս ոչ մի կապ չունի»։
Անդրադառնալով 2018-ի յեղափոխութեան եւ ատոր վերաբերեալ այն ժամանակ իր դրական դիրքորոշման, Տէր-Պետրոսեանը մեկնաբանած է. «Դա մի այնպէս փոթորիկ էր… մարդը յաջողեց, ասում եմ, յաջողութիւնը պէտք է գնահատել։ Լաւ ու վատ չեմ ասում։ Ինքը հասաւ իր նպատակին»։
Վարչապետ Նիկոլ Փաշինեանը Հայաստանի երեք նախկին նախագահները քանիցս բանավէճի հրաւիրած է, սակայն Լեւոն Տէր-Պետրոսեանը, Ռոպերթ Քոչարեանը եւ Սերժ Սարգսեանը մերժած են առաջարկը՝ համարելով, որ բանավիճելու ոչինչ ունին անոր հետ։
