17.09c
Երեվան
չրք, սպտ 18
Ռուսիոյ Դաշնութեան նախագահ Վլատիմիր Փութին Քիեւ նստած կ'ըլլար, եթէ Ամերիկայի Միացեալ Նահանգներու նախագահը Տանըլտ Թրամփը ըլլար. նման պնդմամբ հանդէս եկած է Ամերիկայի Միացեալ Նահանգներու փոխնախագահ, Դեմոկրատական կուսակցութեան նախագահի թեկնածու Քամալա Հարիս երեքշաբթի երեկոյեան Թրամփի հետ առաջին հեռատեսիլային բանավէճի ժամանակ, գրած է thehill.com:
Ան քննադատած է նախկին նախագահը ըսելով, որ «Փութին անոր ընկերն է» եւ «Լանջին (ճաշին) կ'ուտէր» Թրամփը, եթէ ան նախագահ ըլլար:
Հարիսի համոզմամբ՝ «Քիեւ գրաւելէն յետոյ, Փութին հայեացքը պիտի յառէր դէպի Լեհաստան»:
«Ինչո՞ւ այստեղ՝ Փենսիլվանիայի մէջ բնակող 800,000 լեհ ամերիկացիներուն չէք ըսեր, թէ որքան արագ կը յանձնուէիք յանուն լաւութեան եւ ձեր կարծիքով՝ ընկերութեան՝ մէկուն հետ, որ յայտնի է որպէս բռնապետ, որ ճաշին ձեզի կ'ուտէր», - ըսած է դեմոկրատականը:
Թրամփն ու Հարիս վիճաբանած են ուքրանական պատերազմի շուրջ։ Թրամփ կրկնած է իր պնդումը, որ կ'աւարտէ պատերազմը նախքան պաշտօնը ստանձնելը։ Ընդ որում, ան բազմիցս հրաժարած է ըսելէ, թէ արդեօք կը ցանկայ, որ Ուքրանիան յաղթէ պատերազմին:
«Ես կ'ուզեմ կարգաւորել պատերազմը... Ես այն կը կարգաւորեմ նոյնիսկ նախքան նախագահ դառնալը»,- ըսած է ան՝ պնդելով, որ թէ՛ Փութինը եւ թէ՛ Ուքրանիոյ նախագահ Վլատիմիր Զելենսքին կը յարգեն զինք։
Հարիսն ըսած է, որ Թրամփ պարզապէս «կը հրաժարի Ուքրանիայէն», որ վերջ դնէ պատերազմին:
«Եթէ Տանըլտ Թրամփ ըլլար նախագահ, Փութինը հիմա իսկ նստած կ'ըլլար Քիեւի մէջ», - ընդգծած է Հարիս:
Թրամփ մեղադրած է Հարիսն ու նախագահ Ճօ Պայտընը Ռուսիոյ հետ բանակցութիւններ չվարելու համար:
