Փարիզի քաղաքապետ Անն Իտալկօ կը հանդիպի Արայիկ Յարութիւնեանին հետ

Փարիզի քաղաքապետ Անն Իտալկօ կը հանդիպի Արայիկ Յարութիւնեանին հետ

Արցախի Հանրապետութեան նախագահ Արայիկ Յարութիւնեան Մայիս 27-ին ընդունած է Փարիզի քաղաքապետ Անն Իտալկոյի գլխաւորած ներկայացուցչական պատուիրակութիւնը: 

Տեղի ունեցած առանձնազրոյցի ժամանակ Արցախի նախագահը գոհունակութեան խօսքեր յղած է Փարիզի քաղաքապետին` ցուցաբերած նախաձեռնողականութեան եւ համարձակութեան համար, ընդգծած, որ Արցախի իշխանութիւնները շատ բարձր կը գնահատեն Ֆրանսայի քաղաքական շրջանակներուն հետ պարբերական շփումները:

Շնորհակալութիւն յայտնելով ջերմ ընդունելութեան համար` Անն Իտալկօն նշած է, որ Փարիզը պատրաստակամ է գործադրելու անհրաժեշտ ջանքեր Արցախի ժողովուրդին մարդասիրական ծրագրերու աջակցութիւն ցուցաբերելու համար:

Այնուհետեւ տեղի ունեցած է ընդլայնուած կազմով հանդիպում, որուն մասնակցած են ԱՀ օրէնսդիր եւ գործադիր մարմիններու ներկայացուցիչներ, Ֆրանսայի մէջ ՀՀ դեսպան Յասմիկ Տոլմաճեանը, ՀՅԴ Բիւրոյի անդամներ, Ֆրանսայի հայկական կազմակերպութիւնները համակարգող խորհուրդի պատասխանատուներ, Սիւնիքի մարզպետ Ռոպերթ Ղուկասեանը, պաշտօնատար այլ անձեր: Քննարկուած է մարդասիրական բնոյթի հարցերու լայն շրջանակ:

Հանդիպումը տեղի ունեցած է ՀՀ Սիւնիքի մարզի Գորիս քաղաքին մէջ: