12.09c
Երեվան
շբթ, սպտ 21
Միացեալ Նահնգներու նախագահ Ճօ Պայտընը յաջորդ շաբաթ Ուաշինգտոնի մէջ պիտի ընդունի Ուքրանիոյ նախագահը՝ յայտնած է Սպիտակ տունը։ Վոլոտիմիր Զելենսքին առանձին հանդիպում պիտի ունենայ նաեւ փոխնախագահ, նախագահի թեկնածու Քամալա Հարիսի հետ:
Ամերիկեան կողմի տուեալով՝ հանդիպումներու օրակարգին վրայ պիտի ըլլան ռուս-ուքրանական հակամարտութեան վերջին զարգացումները եւ Միացեալ Նահնգներու աջակցութիւնը Քիեւին։
Հնարաւոր է՝ Զելենսքիի հետ հանդիպի նաեւ Միացեալ Նահնգներու նախագահի հանրապետական թեկնածու Տանըլտ Թրամփը:
Ուքրանիոյ նախագահի այցն Միացեալ Նահնգներ տեղի պիտի ունենայ վերջին շրջանին աշխուժացած քննարկումներու լոյսի ներքոյ, որ Արեւմուտքն Ուքրանիոյ զինուած ուժերուն կրնայ թոյլ տալ արեւմտեան զէնքով հարուածել Ռուսիոյ խորքը գտնուող ռազմական կառոյցները: Միացեալ Նահնգներու Արտաքին գործոց նախարարութեան խօսնակը յայտարարած է, որ Ուաշինկթընն այդ հարցով կապի մէջ է դաշնակիցներու եւ գործընկերներու հետ: Մեթիւ Միլլըր յիշեցուցած է, որ եւրոպական շարք մը երկիրներ արդէն թոյլ տուած են իրենց զէնքն օգտագործել ռուսական տարածքին մէջ գտնուող ռազմական թիրախներու դէմ:
