13.09c
Երեվան
ուրբ, ապր 24
Արցախի նախագահ Արայիկ Յարութիւնեան այսօր կայացած Անվտանգութեան խորհուրդի նիստին ըսած է, որ «Քարագլխի հիմնական բարձունքը, ամենաբարձր կէտը գտնւում է մեր վերահսկողութեան տակ, սակայն որոշ կարեւոր բարձունքներ այսօր գտնւում են Ադրբեջանի զինուած ուժերի վերահսկողութեան տակ»:
«Մենք հասկանում ենք, որ նրանց նպատակը ամբողջ Քարագլուխը գրաւելն է եղել: Մեր նպատակն է, որ ատրպէյճանցիները հետ գնան ելման դիրքեր: Մեր պահանջն ու խնդրանքը խաղաղապահ ուժերին այն է եղել, որ սթաթուս-քօն, որը բխում է եռակողմ յայտարարութիւնից, պէտք է վերականգնուի: Այս պահանջը մենք երբեւէ չենք փոխելու», ըսած է ան:
Արայիկ Յարութիւնեանը նշած է, որ Ատրպէյճանի կողմէ հրահրուած այդ սադրանքին նպատակը եղած է առաջին հերթին ռուսական խաղաղապահ ուժերը վարկաբեկելը:
«Մենք համարում ենք, որ ռուսական խաղաղապահ ուժերը շարունակում են իրականացնել իրենց առաքելութիւնը, չհաշուած այդ դրուագը: Պէտք է զգօնութիւնը պահել բարձր մակարդակի վրայ մինչեւ պարզ լինի, որ Ատրպէյճանը նման սադրանքների էլ չի գնալու: Դրա համար հետագայում մենք մեր ինքնապաշտպանութեան առումով շատ աւելի արմատական եւ վճռական քայլեր ենք իրականացնելու», ըսած է Արայիկ Յարութիւնեանը:
