8.09c
Երեվան
չրք, դկտ 25
Հայց. Առաքելական Եկեղեցւոյ Իրաքի Թեմի Ազգային Առաջնորդարանի էջէն կը կարդանք՝
Սոյն թուականի Սեպտեմբերի 18 և 19-ին Պաղտատի մէջ կայացաւ Քահանաներու հաւաք։
Դեկտեմբեր 18ին Սուրբ Կարապետ եկեղեցւոյ մէջ կատարուեցաւ երեկոյեան ժամերգութիւն, ապա Իրաքի տարբեր ծուխերուն մէջ ծառայող քահանայ հայրերը հանդիպեցան Սրբազան Հօր հետ և եկեղեցական շարք մը հարցերու շուրջ ունեցան ազատ քննարկում։
Դեկտեմբեր 19-ին Առաջնորդարանի մէջ, նախագահութեամբ Իրաքի Հայոց Թեմի Առաջնորդ Գերշ. Տ. Օշական Եպս. Կիւլկիւլեանի, կայացաւ Քահանաներու ժողով։
Ժողովը սկսաւ միասնական աղօթքով, այն բաղկացած էր հինգ նիստերէ, որոնցմէ իւրաքանչիւրի ընթացքին կը կատարուէր բանախօսութիւն և քննարկում։
Առաջին նիստին հանդէս եկաւ Առաջնորդ Սրբազանը, որն իր խօսքին մէջ կարեւորեց նման հավաքներ, նշելով որ ատիկա հնարաւորութիւն կուտայ մէկտեղուելու, հոգեւոր առանձնութիւն, փորձի փոխանակում և տարատեսակ հարցերու և խնդիրներու շուրջ քննարկում ունենալու։
Սրբազանը անդրադարձաւ եկեղեցւոյ առջեւ ծառացած մարտահրավէրներուն և ծիսական միօրինակութեանը մասին։
Երկրորդ նիստին "Հայոց եկեղեցւոյ ծէսը" թեմայով ատենախօսեցաւ արժ. Տ. Յակոբոս քհն. Իսահակեանը, որուն մէջ ի մասնաւորի կարեւորեց Հայոց ծէսի պահպանման անաղարտութիւնը, ծիսական կարգաւորութիւն և միօրինակութիւն ունենալու համար։
Երրորդ նիստին "Քահանայի պարտականութիւնը և Իրաւունքները և Հայոց եկեղեցւոյ ծիսական լեզուն" թեմայով ատենախօսեցաւ արժ. Տ. Սեպուհ քհն. Պաղտասարեանը։ Ան կարեւորեց հոգեւորականի դերը, որպէս Քրիստոնէական կեանքի առաջնորդի և օրինակի նաև խօսեցաւ Հայոց ծիսական լեզուի պահպանման անհրաժեշտութեան մասին։
Չորրորդ նիստին մէջ արժ. Տ. Արտակ քհն. Միրզոյեանը բանախօսեցաւ " Եկեղեցւոյ ծառայութեան Աստուածաբանութեան հիմքը" թեմայով։ Տէր Հայրը իր խօսքին մէջ կարեւորեց եկեղեցւոյ մէջ դիակոնիկ ծառայութիւնը և շարք մը հարցերու հանդէպ հայեցակարգային ուշադրութիւն ունենալու անհրաժեշտութիւնը։
Հինգերորդ նիստը վարեց Իրաքի Հայոց նախկին Առաջնորդ, Մայր Աթոռ Սուրբ Էջմիածնի միաբան Գերշ. Տ. Աւագ Արք. Ասատուրեանը։
Սրբազան Հայրը խօսեցաւ Սուրբ Հոգիի շնորհներու, եկեղեցւոյ միաբանութեան և ամեն ինչի մէջ սէր ունենալու կարեւորութեան մասին։
Ժողովի աւարտին,հանդիսապետութեամբ Գերշ. Տ. Օշական Եպս. Կիւլկիւլեանի, Սուրբ Կարապետ եկեղեցւոյ մէջ կատարուեցաւ Հանգստեան ժամերգութիւն։
Երեկոյեան, Սրբազան Հայրերու, Քահանաներու և Ազգային Կեդրոնական Վարչութեան ատենապետի և անդամներու մասնակցութեամբ, տեղի ունեցաւ միասնական ընթրիք»։
