-1.91c
Երեվան
չրք, նմբ 26
Վրաստանի ժողովուրդի ճնշող մեծամասնութիւնը կ՚ուզէ անդամակցիլ Եւրոպական Միութեան։ Այս մասին X-ի իր էջին գրած է Եւրոյանձնաժողովի նախագահ Ուրսուլա ֆոն տեր Լայենը, շեշտելով՝
«Օտարերկրեայ ազդեցութեան թափանցիկութեան մասին օրէնքը կը հակասէ Եւրոպական Միութեան հիմնական սկզբունքներուն եւ արժէքներուն՝ բացասաբար ազդելով Վրաստանի՝ դէպի Եւրոպական Միութիւն ուղիի վրայ: Մենք կը դիտարկենք բոլոր տարբերակները եւ կոչ կ՚ընենք կառավարութեան վերահաստատելու դէպի Եւրոպական Միութիւն ձգտումները»:
Նշենք, որ Վրաստանի խորհրդարանը 84 կողմ ձայներով շրջանցած է «Օտարերկրեայ ազդեցութեան թափանցիկութեան մասին» օրէնքի դէմ նախագահ Սալոմէ Զուրապիշվիլիի վեթռօն:
Նշուած է, որ օրէնքն ուժի մէջ պիտի մտնէ հրապարակուելու յաջորդ օրը։ Վերջնականապէս ուժի մէջ մտնելու համար օրէնքը պէտք է ստորագրէ Վրաստանի նախագահը: Եթէ ան հրաժարի, օրէնքը պիտի ստորագրէ խորհրդարանի նախագահը։ Օրէնքի գործողութիւնը կասեցնելու համար ընդդիմութիւնը կրնայ դիմել Սահմանադրական դատարան:
