• 222
• 29/12/2023

Միացեալ Նահանգներու Մեն եւ Քոլորատօ նահանգներուն մէջ արգիլուած է Թրամփի անունը ներառել ընտրութիւններու քուէաթերթիկներուն մէջ

Միացեալ Նահանգներու նախկին նախագահ Տանըլտ Թրամփին արգիլուած է Մեն նահանգին մէջ առաջադրուիլ Հանրապետական կուսակցութեան նախնական ընտրութիւններուն (փրայմըրիզ)։ Նման որոշում կայացուցած է նահանգի պետական քարտուղար Շաննա Պելոուսը։ Այս մասին գրած է ekhokavkaza.com-ը:

Այսպիսով, Մենը դարձած է Քոլորատոյէն ետք Միացեալ Նահանգներու երկրորդ նահանգը, ուր Թրամփի անունը պաշտօնապէս արգիլուած է նախագահական ընտրութիւններու քուէաթերթիկներուն մէջ ներառելը։

Պելոուսը, ինչպէս Քոլորատոյի Գերագոյն դատարանը, Թրամփի դէմ իր որոշումը հիմնաւորած է Սահմանադրութեան 14-րդ ուղղումով, որ կ՚արգիլէ խռովարարներուն առաջադրուիլ պաշտօններու: Անոր խօսքով՝ 2020 թուականի ընտրութիւններուն պարտուելէ ետք Թրամփ իր կողմնակիցները դրդած էր 2021 թուականի յունուարին խռովութիւն կազմակերպելու եւ ներխուժելու Քոնկրեսի շէնք:

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ