23.09c
Երեվան
չրք, սպտ 24
Մեծն Բրիտանիոյ վարչապետ Քիր Սթարմըր կը ծրագրէ պաշտօնապէս ճանչնալ Պաղեստինի պետութիւնը՝ Միացեալ Նահանգներու նախագահ Տանըլտ Թրամփի Միացեալ Թագաւորութիւն կատարած այցելութեան աւարտէն ետք։ Այս մասին կը տեղեկացնէ The Times-ը։
Յետաձգման գլխաւոր պատճառ կը նշուի այն, որ չեն ուզեր, որ Պաղեստինը ճանչնալու հարցը դառնայ գլխաւոր թեմայ Թրամփի եւ Սթարմըրի համատեղ մամլոյ ասուլիսին, որ նախատեսուած է սեպտեմբեր 18-ին։
Պարբերականի աղբիւրներու համաձայն՝ Սթարմըր կը ծրագրէ Պաղեստինը ճանչնալ առաջիկայ հանգստեան օրերուն, մինչեւ քանի մը երկիրներ՝ Ֆրանսայի գլխաւորութեամբ, նոյնը ընեն յաջորդ շաբաթ Նիւ Եորքի մէջ կայանալիք ՄԱԿ-ի Ընդհանուր ժողովի ընթացքին։
Աւելի վաղ քանի մը երկիրներու կառավարութիւններ, ներառեալ Մեծն Բրիտանիա, Ֆրանսա, Գանատա եւ Աւստրալիա, յայտարարած էին, որ Պաղեստինի պետութիւնը պիտի ճանչնան սեպտեմբերին ՄԱԿ-ի Ընդհանուր ժողովին։
Միացեալ Նահանգները մերժած է Պաղեստինի պետութիւնը ճանչնալու գաղափարը։
