25.09c
Երեվան
կրկ, օգս 16
Այս տօնը առաջին հերթին ոգեկոչումն է մեր բոլոր նահատակներուն, որովհետեւ ի ցոյց կը դնէ մեր կամքը` հայ ժողովուրդի, Հայաստանի Հանրապետութեան կամքը` յաղթահարելու եւ ապրելու: Այս մասին 5 օգոստոսին, Գիւմրիի մէջ 8-րդ համահայկական խաղերու բացման ժամանակ իր ելոյթին մէջ ըսաւ ՀՀ վարչապետ Նիկոլ Փաշինեան:
«Այս տօնը առաջին հերթին ոգեկոչումն է մեր բոլոր նահատակների, որովհետեւ ի ցոյց է դնում մեր կամքը` հայ ժողովրդի, Հայաստանի Հանրապետութեան կամքը` յաղթահարելու եւ ապրելու, զարգանալու եւ առաջ ընթանալու` ի հեճուկս բոլոր բարդութիւնների, դժուարութիւնների, այս օրը նոր խորհրդանիշ է մեր ապագայի համար, որովհետեւ մենք մտնում ենք պատմական մի շրջափուլ, որտեղ պետութիւն ունենալու մեր կամքը պիտի մնայ անսասան, հայրենիքը պետութիւն դարձնելու, պետութիւնը հայրենիք ընկալելու մեր մտածելակերպը պիտի վերահաստատուի»,- ըսաւ վարչապետը:
Անոր խօսքով՝ 2022-ին, հայ մարզիկները պատմական աննախադէպ նուաճումներ գրանցած են, այսօրուան դրութեամբ արդէն Հայաստանի մարզիկները աշխարհի, Եւրոպայի ախոյեանութիւններուն, միջազգային մրցաշարերուն իրենց նուաճած մետալներով արդէն իսկ յաղթահարած են նախորդ տարուան բացարձակ մրցանիշները:
Փաշինեան նաեւ նշեց, որ երկրին մէջ կը զարգանայ մարզանքը, որու մասին կը վկայուի Հայաստանի տարբեր համայնքներու մէջ:
