-1.91c
Երեվան
շբթ, դկտ 21
Լիբանանցի մեծ շանսոնէի Մաժիտա Ալ Ռումին յայտնի է իր հայրենասիրական բարձր ոգիով։
Օրերս երգչուհին եւ այս անգամ Քաթարի մէջ իր տուած համերգին ընթացքին հերթական «մասթըր գլաս» մը կատարելով յուզած է բոլոր ներկաները։
Ռումի, որ երգէ երգ անցումներու պահուն յաճախ հակիրճ խօսքերով հանդէս կուգայ իր հանդիսատեսին դիմելով մասնաւորապէս ըսած է ՝
«Գիտէք, այսօր մենք դժուարին օրերու մէջ ենք, ու վստահ եմ, որ շատ լաւ գիտէք, թէ քանի-քանի փոթորիկներ անցած էն մեր վրայէն, կոտրելու չափ ծռած են մեզ, սակայն մենք չենք կոտրուած։ Չենք կոտրուած, որովհետեւ Աստուած միշտ ալ մեզ հետ եղած է...» եզրակացուցած է Մաժիտա Ալ Ռումին։
«Արեւելք»ի ընթերցողներուն յիշեցնենք, որ Լիբանանեան երգարուեստի մեծահամբաւ աստղերէն համարուող Մաժիտա Ալ Ռումիի հռչակը միայն արաբական մակարդակի հռչակ մը չէ, այլ իր եռանդուն ու բացառիկ ձայներանգով ան կը հանդիսանայ արաբական «քլասիք» երգը արժէւորող համաշխարհային հանրութեան կարեւոր «իգոնաներ»էն մին։
Մեր տեղադրած տեսանիւթը շատ կարճ է եւ ուսանելի՝ դիտեցէք։
