3.09c
Երեվան
հնգ, փտր 26
Հայաստան-Թուրքիա յարաբերութիւններու կարգաւորման գործընթացն ու այդ ուղղութեամբ հետագայ քայլերը քննարկած են Հայաստանի վարչապետ Նիկոլ Փաշինեանը եւ Թուրքիոյ նախագահ Ռեճէպ Թայէպ Էրտողանը, 6 հոկտեմբերին, Փրակի մէջ տեղի ունեցած հանդիպման ընթացքին:
Վարչապետի աշխատակազմէն յայտնած են, որ հանդիպման ընթացքին շեշտուած է երկու երկիրներու յատուկ ներկայացուցիչներու քննարկումներու աւարտին ձեռք բերուած պայմանաւորուածութիւններու շուտափոյթ իրականացման անհրաժեշտութիւնը: Մասնաւորապէս, խօսքը կը վերաբերի երրորդ երկիրներու քաղաքացիներու համար ցամաքային սահմանի բացման, Հայաստան-Թուրքիա ուղիղ օդային բեռնափոխադրումներու իրականացման:
Միտքեր փոխանակուած են նաեւ տարածաշրջանային գործընթացներու շուրջ:
