23.09c
Երեվան
երկ, հկտ 03
Անբացատրելի զգացողութիւններ ունիմ: Երբ տեսայ, թէ ինչպէս ժողովուրդը կ'ուրախանայ իմ յաղթանակովս, աւելի պարտաւորուեցայ եւ կրկնակի ուրախացայ:
Այս մասին «Զուարթնոց» օդանաւակայանին մէջ ըսաւ Եւրոպայի նորընծայ ախոյեան Մալխաս Ամոյեանը, որ նախորդ գիշեր Հունգարիայէն վերադարձած է հայրենիք:
23-ամեայ ըմբիշը Ապրիլ 2-ին Հունգարիոյ մայրաքաղաք Պուտափեշթի մէջ կայացած Եւրոպայի ախոյեանութեան եզրափակիչին թուրք մրցակիցին նկատմամբ յաղթանակով հռչակուեցաւ ախոյեան, իրեն համար նոր` 77 քկ կարգին մէջ:
«Ամէն մրցաշարի գնում եմ ոսկէ մետալի հետեւից: Այս անգամ էլ անձնական մարզիչներիս, հաւաքականի մարզիչների, հօրեղբայրներիս շնորհիւ լաւ մարզավիճակում էի գտնւում եւ կարողացայ յաղթել:
Նոր քաշային կարգում էի: Ինձ թւում էր, թէ շատ բարդ կը ստացուի, բայց առաջին փորձից յաջողուեց Եւրոպայի ախոյեան դառնալ արդէն ողիմպիական քաշային կարգում: Երբ մրցաշարից յետոյ տեսնում ես, թէ ինչպէս է ժողովուրդն ընդունում քո յաղթանակը, ուրախանում դրանով, աւելի ես պարտաւորւում, կրկնակի ուրախութիւն ես զգում: Զգացողութիւններս անբացատրելի են, չեմ կարող բառերով բացատրել:
Կը փորձեմ ամէն ինչ անել, որպէսզի 77 քկ քաշային կարգում նաեւ Աշխարհի եւ Ողիմպիական խաղերի յաղթող դառնամ:
Եւրոպայի ախոյեան հռչակուեցի Քառօրեայ պատերազմի օրը: Այդ առիթով թուրք եւ ատրպէյճանցի մրցակիցներիս նկատմամբ յաղթանակներս նուիրում եմ Քառօրեայի հերոսներին, ինչպէս նաեւ հայ եւ եզտի ազգերին», ըսաւ Մալխաս Ամոյեանը:
