4.09c
Երեվան
կրկ, դկտ 22
Մահացած է ամերիկացի պետական գործիչ, դիւանագէտ Հենրի Քիսինճըրը:
Ան միջազգային յարաբերութիւններու փորձագէտ էր, Խաղաղության Նոպէլեան մրցանակի դափնեկիր։ Մայիս 27-ին Քիսինճըր դարձած էր 100 տարեկան:
Հենրի Քիսինճըր Միացեալ Նահանգներու նախագահի ազգային անվտանգութեան հարցերու խորհրդականը եղած է 1969-1975, իսկ արտաքին գործոց նախարար` 1973-1977: Այնուհետեւ ան մնացած է Ուաշինկթընի արտաքին քաղաքականութեան մշակման գործընթացին մէջ ազդեցիկ անձնաւորութիւններէն մին, որուն խորհուրդը կը խնդրեն նախագահներ եւ արտաքին գործոց նախարարներ:
«Ռէալ Փոլիթիք»-ի ջատագով Քիսինճըր նաեւ պատուոյ նախագահն է «Տը Նէշընըլ Ինթրըսթ» պարբերականին, որ լոյս կ՛ընծայուի համանուն հիմնարկին կողմէ: Հիմնարկը նախապէս կը կոչուէր «Նիքսըն կեդրոն»:
