19.6c
Երեվան
չրք, հնս 10
Հայկական պետական մանկավարժական համալսարանի (ՀՊՄՀ) հոգաբարձուներու խորհուրդի նոր կազմը ընտրած է իր նախագահն ու քարտուղարը: Խաչատուր Աբովեանի անուան հայկական պետական մանկավարժական համալսարանի նիստերու դահլիճին մէջ կայացած է հոգաբարձուներու խորհուրդի նոր կազմով անդրանիկ նիստը: Այս մասին յայտնած են ԿԳՄՍ նախարարութենէն:
Նիստի օրակարգին վրայ եղած է 3 հարց․
ՀՊՄՀ հոգաբարձուներու խորհուրդի նախագահի եւ քարտուղարի ընտրութիւն,
ՀՊՄՀ հոգաբարձուներու խորհուրդի աշխատակարգի փոփոխութիւններ կատարելու մասին նախագիծի քննարկում եւ հաստատում,
ՀՊՄՀ ռեկտորի պաշտօնի թափուր տեղի մրցոյթի յայտարարութիւն։
Առաջին հարցին՝ քուէարկութեամբ ՀՊՄՀ հոգաբարձուներու խորհուրդի նախագահ ընտրուած է ԿԳՄՍ նախարարի տեղակալ՝ Ժաննա Անդրեասեանը, իսկ քարտուղար՝ ՀՊՄՀ փրոֆեսոր, հոգեբանական գիտութիւններու դոկտոր՝ Կամօ Վարդանեանը։ Երկու քուէարկութիւնն ալ անցած է միաձայն։
Նիստի ընթացքին ընդունուած է նաեւ աշխատակարգի փոփոխութիւնը, իսկ ռեկտորի մրցոյթի օր նշանակուած է 18 Դեկտեմբերը։
