24.09c
Երեվան
չրք, օգս 19
Մտահոգիչ իրավիճակ. ռազմի դաշտը որդին կորսնցուցած մօր կալանաւորումն աւելի մեծ խայտառակութիւն է, քան նոյնիսկ ԱԺ տխրահռչակ նախագահի կողմէ օրը ցերեկով Երեւանի կեդրոնը քաղաքացիի երեսին թքելու զազրելի արարքը: Այս մասին իր դիմատետրեան էջին գրած է ՀՀ առաջին նախագահ Լեւոն Տէր Պետրոսեան:
«Այս երկու դէպքերը ցոյց են տալիս, որ իշխանութեան լկտիութիւնն այլեւս չափ ու սահման չունի: Թւում է, թէ Հայաստանի ներքաղաքական լարուածութեան թուլացումն առաջին հերթին պէտք է լիներ իշխանութիւնների պարտականութիւնն ու մտահոգութիւնը, սակայն, ինչպէս տեսնում ենք, հենց նրանք են, որ իրենց լկտի ու անհեռատես արարքներով աւելի եւս բորբոքում են այդ լարուածութիւնը: Այսպէս շարունակուելու դէպքում մեր երկրին շատ աւելի տխուր, եթէ ոչ պայթիւնավտանգ հեռանկար է սպասում: Սա արձանագրելով հանդերձ՝ միաժամանակ անհրաժեշտ եմ համարում նշել, որ անընդունելի են նաեւ իշխանութեան ներկայացուցիչների ընտանիքի անդամների նկատմամբ անպարկեշտ վերաբերմունքի դրսեւորումները», - գրած է առաջին նախագահը:
