Իրաքցիք կը պահանջեն Թուրքիոյ դեսպանին արտաքսումը

Իրաքցիք կը պահանջեն Թուրքիոյ դեսպանին արտաքսումը

Իրաքի վարչապետ Մուսթաֆա ալ Քազիմին 21 յուլիսը յայտարարած է ազգային սգօ օր, Տհոքի վրայ Թուրքիոյ հրետակոծութեան 9 զոհերու յիշատակինկ: Այս մասին տեղեկացուցած է «AFP»-ը։

Քիւրտ պաշտօնեայի խօսքով՝ անոնց մարմինները պէտք է հասցուին Պաղտատ Էրպիլէն՝ ընտանիքներուն յանձնվելու համար։

Զահի շրջանի Փարահ գիւղին մէջ հրետակոծութեան հետեւանքով վիրաւորուած է նաեւ 23 մարդ, որոնց մեծ մասը՝ տեղի զբօսաշրջիկներ:

Հրետակոծութիւնը ցասման ալիք բարձրացուցած է Պաղտատի մէջ թրքական վիզայի կեդրոնի առջեւ։

Ցուցարարները վանկարկած են կարգախօսներ՝ պահանջելով վտարել Թուրքիոյ դեսպանը։ «Մենք կ'ուզենք այրել դեսպանատունը։ Դեսպանը պէտք է վտարուի,- ըսած է 53-ամեայ ցուցարար Ալի Եասինը։- Մեր կառավարութիւնը ոչինչ կ'ընէ»։

Չորեքշաբթի բողոքի ցոյցեր տեղի ունեցած են նաեւ շիիթ Նաճաֆ եւ Քարպելա սրբավայրերու մօտ, ինչպէս նաեւ հարաւային Նասիրիա քաղաքին մէջ։

Իրաքի վարչապետը Թուրքիոյ նախազգուշացուցած է, որ Իրաքը «պատասխան հարուածի իրաւունք կը վերապահէ»՝ հրետակոծութիւնն անուանելով ինքնիշխանութեան «աղաղակող խախտում»։

Իրաքը յայտարարած է, որ Անգարայէն ետ կանչած է իր վստահուած անձը, եւ պահանջած է Թուրքիայէն պաշտօնական ներողութիւն խնդրել, ինչպէս նաեւ «դուրս բերել զինուած ուժերն ամբողջ իրաքեան տարածքէն»։

Թուրքիոյ արտաքին գործոց նախարարութիւնը չընդունիր հրետակոծութեան պատասխանատուութիւնը՝ յայտարարելով, որ նման «ահաբեկչութիւններ» կատարուած են «ահաբեկչական կազմակերպութիւններու» կողմէ։