Իրանի մէջ ցոյցերը կը շարունակուին. Անջատած են համացանցը

Իրանի մէջ ցոյցերը կը շարունակուին. Անջատած են համացանցը

Իրանի մէջ գրեթէ ամբողջութեամբ անջատած են համացանցը՝ կառավարութեան դէմ զանգուածային բողոքի ցոյցերուն հետեւանքով, գրած է Bloomberg-ը։

Իրանցի պաշտօնեաներէն մէկը գործակալութեան ակնարկած է, որ նման միջոցներ կրնան ձեռնարկուիլ անվտանգութեան նկատառումներէ ելլելով։ Հաղորդակցութեան կորուստը մարդոց համար կը դժուարացնէ բողոքի ցոյցեր կազմակերպելը եւ կառավարութեան կողմէ այլախոհութեան դէմ ճնշումներու մասին տեղեկութիւններու փոխանակումը, ըսած է պաշտօնեան:

Մեծ Թեհրանի (համախբում, որ կը ներառէ մայրաքաղաքն ու արուարձանները) ոստիկանապետ Սարտար Հուսէյն Ռահիմին երէկ յայտարարած է, որ 22-ամեայ աղջկան մահը, որ հիւանդանոցին մէջ մահացած է բազմաթիւ վնասուածքներէ, դժբախտ պատահար է։ Ռահիմիի խօսքով՝ իր ենթականերու կողմէ ոչ մէկ անփութութիւն եղած է։ 

Աղջկան մահը բողոքի ալիք բարձրացուցած է։ Ոստիկանութիւնը կը փորձէ ցրել ցուցարարները։