image
Հրատապ լուրեր:

Իրանի հետ պատերազմի հաւանականութիւնը մեծ է. Իսրայէլացի զինուորական

Իրանի հետ պատերազմի հաւանականութիւնը մեծ է. Իսրայէլացի զինուորական

Իսրայէլի բանակի շտապի պետ Հերցլ Հալեւին երեքշաբթի օր յայտարարած է, որ  «հորիզոնին վրայ կան բացասական իրադարձութիւններ, որոնք կրնան յանգեցնել Իրանի դէմ գործողութիւններու», յայտնած է Haaretz:

Իսրայէլի Ռայխմանի համալսարանին մէջ՝ գիտաժողովին ելոյթ ունենալով՝ Հերցլ Հալեւին անդրադարձած է նաեւ «Հըզպալլա»ի թեմային, զոր ան անուանած է «Իրանի ամենաուժեղ ներկայացուցչութիւնը» տարածաշրջանին մէջ: ««Հըզպալլա»ն կը կարծէ, որ կը հասկնայ մեզ, եւ այդ խիզախութիւն կու տայ իրեն՝ մարտահրաւէր նետելու մեզ։ Հիւսիսի մէջ հակամարտութիւնը դժուար է, բայց մենք կ'իմանանք՝ ինչպէս պայքարիլ»,- ըսած է ան։

«Տարածաշրջանային առումով Իրան կը մասնակցի մեր շուրջը կատարուող բոլոր գործերուն․ իւրաքանչիւր թշնամի, որուն հետ մենք բախում կ'ունենանք, այս կամ այն կերպ կը կրէ իրանական ձեռքի հետքը։ Մենք հնարաւորութիւն ունինք հարուածելու Իրանին։ Մենք անմասն չենք մնար»,-աւելցուցած է ան։