-11.91c
Երեվան
շբթ, հնվ 03
Ռուսաստանի խաղաղապահ զօրախումբը կը շարունակէ Լեռնային Ղարաբաղի մէջ իր առջեւ դրուած խնդիրներու կատարումը: Այս մասին հաղորդագրութիւն տարածած է Ռուսաստանի Պաշտպանութեան նախարարութիւնը:
Ռուսաստանի խաղաղապահներու կողմէ քսանեօթ դիտակէտերու մէջ իրադրութեան շուրջօրեայ վերահսկողութիւն եւ կրակի դադրեցման պահպանման վերահսկողութիւն կ'իրականացուի:
Կը նշուի, որ Ռուսաստանի խաղաղապահ զօրախումբի պատասխանատուութեան գօտիին մէջ խախտումներ չեն արձանագրուած:
«Ապահովուած է Լաչինի միջանցքով Ատրպէյճանի զինուած ուժերու չորս շարասիւներու ուղեկցումը ` երկուքը հիւսիսային եւ երկուքը հարաւային ուղղութիւններով:
Պարեկութիւն կատարուած է Ասկերանի, Մարտակերտի, Մարտունիի շրջաններուն եւ Լաչինի միջանցքին մէջ:
Ռուսաստանի խաղաղապահներուն անվտանգութիւնը ապահովելու եւ հնարաւոր միջադէպերը կանխելու նպատակով Ատրպէյճանի եւ Հայաստանի զինուած ուժերու գլխաւոր շտաբներու հետ շարունակական փոխգործակցութիւնը կը պահպանուի», նշուած է հաղորդագրութեան մէջ:
