-1.91c
Երեվան
ուրբ, հնվ 02
Յունիսի 10-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ֆրանսիայի Ալֆովիլ քաղաքի Սուրբ Մեսրոպ հայկական դպրոցի շուրջ 40 աշակերտների:
Դպրոցի տնօրէն տիկին Նորա Թաշճեանը, հայցելով Ամենայն Հայոց Կաթողիկոսի օրհնութիւնը, տեղեկութիւններ փոխանցեց դպրոցի ստեղծման պատմութեան, իրականացուող ծրագրերի եւ եկեղեցի-դպրոց փոխգործակցութեան մասին:
Վեհափառ Հայրապետը, ողջունելով աշակերտներին, գոհունակութեամբ արձանագրեց, որ գեղեցիկ աւանդոյթ է դարձել Ֆրանսիայի մէջ գործող հայկական դպրոցների ու վարժարանների սաների այցելութիւնը Մայր Աթոռ Սուրբ Էջմիածին:
Նորին Սրբութիւնը հանդիպման ընթացքում յորդորեց դպրոցի սաներին Հայաստանի տպաւորութիւններով կերտուած տեսիլքով շարունակել ուսումնառութիւնը եւ իրենց նպաստը բերել հայրենիքի զօրացմանն ու շէնացմանը:
Հայոց Հայրապետը նաեւ իր գնահատանքը յայտնեց դպրոցի տնօրինութեանը, ուսուցչական անձնակազմին եւ հոգաբարձուներին Հայաստան եւ Մայր Աթոռ այցելութիւններ կազմակերպելու համար` մաղթելով արգասաբեր իրագործումների շարունակականութիւն եւ բարի տեսլականների իրականացում:
Իրենց հերթին աշակերտները երաժշտական կատարումով հաճելի անականկալ մատուցեցին Վեհափառ Հայարպետին:
Վերջում Ամենայն Հայոց Կաթողիկոսը «Պահպանիչ» աղօթքով օրհնեց դպրոցի աշակերտներին` նրանց ընծայելով սրբապատկերներ եւ խաչեր:
