-0.91c
Երեվան
չրք, դկտ 31
Ֆրանսայի գործող նախագահ Էմանուէլ Մաքրոնի եւ նախագահական ընտրութիւններուն անոր գլխաւոր մրցակիցին` Մարին Լը Փենի միջեւ տարբերութիւնը կրճատուած է մինչեւ 6,5 տոկոս, համաձայն Ipsos-Sopra Steria-ի հարցման:
Հարցման համաձայն` առաջին փուլին Մաքրոնի օգտին պատրաստ է քուէարկելու ընտրողներուն 26,5%-ը, իսկ Լը Փենի օգտին` 20%-ը: Մարտի կէսերուն Մաքրոնին աջակցութիւնը կը կազմէր 31%, Լը Փենինը` 16%:
Երրորդ տեղն է Ժան Լիւք Մելանշոնը: Ան, ըստ հարցման, կը հաւաքէր ձայներու 16 տոկոսը, եթէ ընտրութիւններուն առաջին փուլի կայացուէր այս Կիրակի: Վերջին շաբաթներու ընթացքին բարձրացած է նաեւ անոր նախընտրական վարկանիշը:
Մելանշոնին կը յաջորդէ Էրիք Զեմուրը (11%), հինգերորդ տեղը Վալերի Փեքրեսն է` 9,5%:
Եթէ Մաքրոնն ու Լը Փենը մտնեն երկրորդ փուլ, ապա Ֆրանսայի գործող նախագահը կը յաղթէ ձայներու 54%-ով, ցոյց կու տան հարցման արդիւնքները:
Ֆրանսայի մէջ նախագահական ընտրութիւններու առաջին փուլը տեղի պիտի ունենայ Ապրիլ 10-ին, երկրորդը` Ապրիլ 24-ին: Բարձրագոյն պետական պաշտօնին կը յաւակնի 12 քաղաքական գործիչ:
