8.09c
Երեվան
հնգ, նմբ 21
Ֆրանսայի նախագահ Էմանուէլ Մաքրոնը կը մեղադրեն Չինաստանի նկատմամբ ԵՄ միասնական դիրքորոշումը խափանելու մէջ՝ անոր այն արտայայտութիւններու պատճառով, որ Եւրոպան պէտք չէ ներքաշուի Թայուանի պատճառով ԱՄՆ-ի եւ Չինաստանի դիմակայութեան մէջ, գրած է բրիտանական Financial Times թերթը:
«Մաքրոն Չինաստանի նախագահ Սի Ծինփինի հետ իր դիւանագիտական ջանքերուն մէջ նոյն սխալներն գործած է, որ գործած էր Փութինի հետ․․․Նախագահը կրկին ետ շպրտած է Եւրոպան, եւ ոչ թէ՝ օգնած անոր»,-թերթը մէջբերած է ֆրանսացի նախկին բարձրաստիճան դիւանագէտ Միշել Տիւքլոյի խօսքը։ Ան կը կարծէ, որ Մաքրոնի դիւանագիտական խուսանաւումները յանգեցուցած են անոր, որ դաշնակիցները կորսնցնեն վստահութիւնը Ֆրանսայի նկատմամբ՝ միասնական ճակատով հանդէս գալու փոխարէն:
Վերլուծաբանները կը կարծեն, որ Մաքրոնի գործողութիւններն արդէն խաթարած են Եւրոպայի միասնութիւնը Չինաստանի նկատմամբ: Ընդ որում, ինչպէս յայտարարած են Պրիւքսէլէն, Եւրոմիութիւնը Չինաստանի նկատմամբ յստակ քաղաքականութիւն կը պահպանէ՝ հակառակ Ֆրանսայի նախագահի յայտարարութիւններուն:
«Այդ այնքան ալ լաւ չէ Ֆրանսայի նախագահի համար, բայց մենք՝ որպէս ԵՄ, այստեղ խնդիրներ չունինք։ Մենք յստակ քաղաքականութիւն ունինք»,-թերթը մէջբերած է ԵՄ անանուն դիւանագէտի խօսքը։
