31.79c
Երեվան
երք, հնս 23
Իրանի հետ պատերազմի ընթացքին օգնութիւն ցուցաբերելէ հրաժարելու եւրոպական երկիրներու որոշումը յիմարութիւն էր, որովհետեւ այժմ Միացեալ Նահանգները նոյնպէս կրնայ, ի պատասխան, հրաժարիլ Եւրոպայի մէջ իր ՆԱԹՕ-ի դաշնակիցներուն օգնութիւն տրամադրելէ։ Այս մասին Սպիտակ տան մէջ լրագրողներուն յայտնած է ԱՄՆ նախագահ Տանըլտ Թրամփ։
«Մենք ՆԱԹՕ-ի հիանալի անդամ եղած ենք՝ շատ առումներով, եւ, անկասկած, դաշինքի գերիշխող անդամը։ Տարիներու ընթացքին մենք թրիլիոնաւոր տոլարներ ծախսած ենք՝ ոչ թէ միլիառներ, այլ իսկապէս թրիլիոններ, Եւրոպան պաշտպանելու համար»,– ըսած է ան։
«Այդ պատճառով է որ ես Փիթ Հեկսէթին եւ միւս բոլոր պատասխանատուներուն կ՚ըսեմ. եթէ մենք այսքան դրամ կը ծախսենք՝ հարիւրաւոր, բառացիօրէն հարիւրաւոր միլիոն տոլարներ, գլխաւորաբար զիրենք Ռուսիայէն պաշտպանելու համար…։ Բայց լսեցէ՛ք. մենք այսքան դրամ կը ծախսենք, իսկ երբ մեզի, թերեւս, փոքր հարցերու մէջ օգնութիւն պէտք կ՚ըլլայ՝ ասիկա մանրուք է, կարեւոր բան չէ, անոնք կ՚ըսեն. «Ո՛չ, կը նախընտրենք չօգնել»։ Այդպէս ըսելը յիմարութիւն է, որովհետեւ եթէ ուզենք, մենք ալ կրնանք նոյն պատասխանը տալ անոնց։ Եւ հնարաւոր է, որ ճիշդ այդպէս ալ վարուինք»,– եզրափակած է Թրամփ։
