22.09c
Երեվան
երք, սպտ 01
Մարտի 29-ին Կահիրեի համալսարանի Հայագիտական կենտրոնում վերսկսվել են հայոց լեզվի դասընթացները եգիպտացի ուսանողների համար, որոնք վարում է Երեւանի պետական համալսարանից գործուղված դասախոս Լիլիա Հարությունյանը։
Կենտրոնի տնօրեն, դոկտոր Սոհեյր Դուինին բարձր է գնահատել դասընթացի մեկնարկն ու համոզմունք հայտնել, որ այն հիմք կծառայի երկու երկրների միջեւ կրթության ոլորտում առավել արդյունավետ գործակցության համար։ Կենտրոնի աշխատանքների վերսկսումը հնարավոր է դարձել Հայաստանի կառավարության, Եգիպտոսում ՀՀ դեսպանության, Կահիրեի համալսարանի ղեկավարության եւ եգիպտահայ համայնքի ջանքերով։
Հայագիտական կենտրոնը Մերձավոր Արեւելքի ամենամեծ համալսարանում` Կահիրեի պետական համալսարանի բանասիրության ֆակուլտետում հիմնվել է դեռեւս 2007թ-ին:
